كنت عند أخويا ودخلت المطبخ اقول لمراته تحبي اساعدك..

2 w

كنت عند أخويا ودخلت المطبخ اقول لمراته تحبي اساعدك في حاجه قالتلي لا انا عامله كل حاجه يا دوب بغرف الأكل فتحت التلاجه عشان اجيب ليمونه لاني بحب الليمون مع الأكل لقيت مرات اخويا بتبصلي باستغراب وبتقولي انتي بتعملي ايه؟ قولتلها باخد ليمونه قالتلي لا قوليلي وانا افتح اجيبلك أو أنا اسمحلك تفتحيها التلاجه زيها زي الدولاب مينفعش اي حد يفتحها غير أصحاب البيت بصراحه زعلت جدا ولما خرجت قعدنا ناكل وانا مخنوقه اللقمه مبتتبلعش مبقتش عارفه اقول لأخويا على اللي مراته عملته ولا خليني ساكته عشان ميقولوش جات وعملت مشاكل وفي نفس الوقت اعمل ايه لو أخويا سألني انتي مبتجيش عندي ليه لاني بصراحه نفسي قفلت خالص من دخول بيته وهل اللي مراته قالته دا فعلا صح ولا غلط .