انا بنت عندي ١٩ سنه والدي مش عايش معانا في البيت و والدتي بتدخل في كل شيء في حياتي و معنديش اي خصوصيه في البيت و المفروض ان انا كبرت و احتاج شويه خصوصيه حتي ولو قليله لأن انا دلوقتي بقيت خلاص في الجامعه و عندي أفكار و نضجت اكثر و هي مش بتشتغل و بتعد تذلني بالفلوس الي والدي بيدفعها عليا و لما بيديني معروف بتاخده و تقولي ما هو بيدفعلك أضعاف اضعافه مصاريف جامعه و بيصرف عليكي قد كدا و لما بقوله هو مش بيعمل حاجه و مش بيوقفلها ولا بيعمل اي حاجه، من قريب كسرت اكره الباب عشان انا كنت قاعده و بقراء في الاوضه (كتاب تنميه بشريه مش حاجه غلط) و جات و اتعصبت و اخدت الكتاب و اخدت كل حاجه و جابت شاكوش و كسرت اكره الباب و الباب مبقاش يقفل و بتمسكلي علي اي غلطه و انا بقيت مش مستحمله طريقتها و تعاملها معايا و مستنيا لحد ما اكبر عشان هي تبطل تذلني بالفلوس الي والدي بيدفعها و بتفضل تقولي ما انا جوزي بيصرف و بيجيب و بيعمل مع العلم ان هو ليس فقط جوزها هو كمان والدي و هي المفروض والدتي و عندي ٤ اخوات تانين و احنا ٤ بنات و ولد و بتتعامل مع الولد بملكيه و احنا الاربع بتتعامل معانا بالطريقه دي انا بجد زعلانه اوي و الموضوع مأثر علي نفسيتي خصوصا كمان إنها عندها عاده وحشه وهي انها كل ما بتتعصب بتدور الضرب فينا و لو بابا جيه من السفر يقعد معانا اسبوع او ٢ بتكون زي الحمل الوديع و بتكون كيوت جدا و ولا حتي طالعلها اي صوت و بتتعامل معانا بكل هدوء انا بجد مش قادره اعيش كدا خالص