عندي استفسار لموقف محرج مش عارف اعمل ايه فيه وياريت تردوا عليه فيه
انا شاب عندي ٢٨ سنه خطبت في العيد اللي فات واحده كويسه ابوها متوفي وامها بتشتغل ولها اخ صغير في اعداديه هما ناس كويسين ومحترمين وكل حاجه بس انا اللي عاوزه اسال فيه
انا بروح مرتين في الاسبوع مره بليل شوية عشان امها تكون رجعت من الشغل والمره التانيه يوم الجمعه عشان اجازتها فبروح عادي بعد العصر وفي كل مره بيحطوا اكل والاكل تقريبا من اول يوم لوراك فراخ مع الرز ومشتقاته او بانيه مع مكرونه ومش بيعملوا حاجه تانيه وهي مش بتزهق منه وانا زهقت من نوع الاكل ده و الموضوع ده مضايقني ومحرج اتكلم فيه معاهم واقولها قولي مثلا لماما تعمل اكل كويس لاني بزهق بسرعه من موضوع الاكل المكرر ده انا عارف ان الموضوع ممكن يكون تافه بالنسبالكم بس انا مش عاوز اقفل من ناحية المرواح عندهم وكده هيقل التواصل بينا وممكن يؤدي لفسخ الخطوبة لاقدر الله فانا كل الموضوع اللي باعت سؤالي علشانه اني مش عاوز اوصل للمرحله ديه فهل ممكن اعرف مامتها عشان تعمل اكل جديد ولا فيها احراج ولا اعمل ايه من خبرتكم في المواضيع اللي زي ديه تصرف صح لو ممكن تفيدوني