السلام عليكم ورحمة الله وبركاته
حصل مشاده بيني وبين جوزي ولاني كنت زهقانه غلط فيه وشتمته بامه اللي ميته كلمه طلعت مني غصب عني والله
وحدفته بريموت الشاشه وهو ساب البيت ونزل مردش عليا من ذهول الموقف بس بعد بنزل بيومين قال لابني الكبير انه طلقنى وبعتيلي بعدها قالى انا خلااص طلقت و مش عايز اكمل حياتى معاكى وهديكى الفلوس الى انتى عوزاها بس ابعدي عني وسيبني في حالي بعد ١٥ سنة عشرة ومعانا ولدين . قالى انا عاوز ابدا حياتى تانى من جديد .
طلقنى بالفعل وانا عرفت جالى صدمة مكنتش مصدقة عيطت صرخت كلمته انا بحبك ازاى تعمل معايا كده .
قالى انا مظلمتكيش انا هطلقك واديكى كل حقوقك انا عاوز ابدا حياة جديدة وكفاية اللي عمليته فيا بعد ١٥ سنه عشرة
وانا من يومها فى كابوس وصدمة مش عارفة افوق منها وحاسة بالخوف والفشل
اخواتى بيقولولى سبيله العيال بس انا رافضة خايفة على العيال يتبهدلوا ومش عارفه اعمل ايه ابعتله فعلا العيال يمكن يرجعلي ؟