مكتوب كتابي وفرحي الشهر الجاي وجوزي مصمم أن يوم العيد بعد منصلي نروح نقعد في شقتنا شويه وانا عماله أقوله لا طبعا مينفعش ومش هعرف اغضب ربنا ولا اكسر ثقه اهلي يقولي تغضبي ربنا اي انتي مراتي قدام ربنا وهو مصمم وانا مش عارفه اعمل اي ومش حابة كده فيدوني بجد😭😭😭😭😭

السلام عليكم
ممكن تفيدوني في مشكلتي لأني حاسة اني غلط جامد
أنا مخطوبة من ٣ شهور
خطيبي دائما بيتعمد يفتح مواضيع لسة بدرى عليها وانا اتخانقت معاه كتير وزهقت من كتر ما بقوله حرام ربنا مش هيباركلنا ولا يوفقنا ومش عارفة لو قولت لبابا عاوزة افشكل مش عارفة هقوله ايه السبب
أنا بحب خطيبي جدا ومش عاوزة اسيبه بس هو كدا بيخلينا نشيل في ذنوب
طول المكالمة بيفضل يقول كلام كله تلميحات مش كويسة
انا مش عارفه استمر معاه علي كدا ول افشكل
مع العلم دي تاني خطوبة ليا
سبت خطيبي الاول عشان ضوابط الخطوبة
بس ده زايدعن حده
ممكن تقولولي اعمل اي او اتصرف ازي
وأسفة لو طولت في الكلام

بقول لخطيبتي بابا تعبان ومحتاج انزله من الغربه
ترد تقولي وتسيب مستقبلك علي
شان تقعد مع ابوك
يبق ماتتجوزش احسن
قولي لي اعمل اي
واتصرف ازاي
عاوز رائيكم بكل صراحه
اكمل ولا لا

متقدملي عريس محترم ومؤهل عالي بس انا لما قعدت معاه محسيتش اني مرتاحه لشكله بس انا من حقي اختار حد اكون مرتاحه ليه عموما من كل حاجه وخصوصا الشكل ده اللي هنام واصحي عليه
بابا مخدش رأيي ولا سألني انا موافقه ولا لا واتصل عليه هو واهله يجو يقرو الفاتحه وانا عماله اعيط بقالي يومين لاني حاسه اني مش مرتاحه ومقعدتش معاه غير مره يعني حتي ملحقتش اعرف طبعه واشوف اسلوبه كنت عايزاه يجي كمان مره يقعد معايا بابا قال لا هيجي يقرا فاتحه علي طول اعمل ايه بالله عليكو انا بعيط ومخنوقه وعماله اقول لبابا انا مش عايزه اتجوز دلوقتي مهتمش لكلامي وقال للناس تعالو اتفقو واقرو الفاتحه

أنا كاتب كتابي بقالي شهر بالضبط
في فترة الخطوبة هي كانت حاطه ضوابط للخطوبة وكدة
في فترة الخطوبة مكناش بنطلع كتير (طلعنا حولي 5 مرات)
بعد كتب الكتاب حصل كذا مشاكل وحقيقي بقيت افكر بدل المرة الف
1/مش بتهتم الاهتمام الكافي والاهتمام هنا مش قصة كلام بس
ان لو في مخنوق مش بلاقيها بتهون عليا/ لو زعلان منها مثلا بلاقيها مش بتصلحني مرة زعلنا وقولتها أنا زعلان قالتي حقك عليا تصبحي على خير علشان هنام
2/كنا طلعين وبقولها شعرك وكدة قالتي يعني (احلقه يعني ولا اعمل فيه ايه)
3/في مرة بنتكلم وبقولها يعني انتي شايفة اني مش هستحملك (قالتي أه)
4/آخر مرة بتصل عليها في وقت الشغل علشان اقولها علي حاجة مهمة بتقولي انت بتصل في معاد غير معادك
أنا قفلت لغيت ما خلصت شغل وقولتها هو أنا واحد من الشارع علشان اخد الاذن واتصل يعني
هي فضلت تبرر وتقولي اقصد أن أول مرة تتصل في وقت الشغل
بتقولي نبق نتكلم بليل قولتك مش هتصل قالتي براحتك
أنا قولتها شوف أي الي يريحك وانا هعمله ليكي وراحتك عندي اهم حاجة
أنا والله ما قصرت معاها في أي حاجة
ومن ساعة الموقف دة أنا مش برن عليها ولا ببعت رسايل
الفكرة ان الطلاق خسارة ليا اكتر منها
أنا محتار أعمل اي
ممكن تنصحوني ؟